MITT VINDAFJORD

Vurderer du å flytta til Vindafjord? Då har du kome til rett stad. Her er det godt å bu, leva og jobba. I Vindafjord møtest innovasjon, natur og eit levande lokalsamfunn. Her kan du få spennande jobbar, trygg oppvekst for barna og meir rom til å leva. Utforsk alt Vindafjord har å by på her.

FLYTT TIL VINDAFJORD

OPPLEV VAKRE VINDAFJORD

Her bur folk godt og tenkjer stort. Verda er stor, men for oss byrjar den her.

Bu her

JOBB

FRITID

FAMILIELIV

Vindafjord i tal

Stadig fleire vel Vindafjord som ein stad å bu, jobba og leva.

9 219 innbyggjarar
Nær 600 km² landareal
Over 2 000 registrerte bedrifter
Om lag 21 000 kr/m² i bustadpris
8 offentlege og private barnehagar, 7 offentlege grunnskular og 1 Montessoriskule

Reiseveg

Sentralt plassert på Haugalandet
Nær det du treng

Men langt frå stresset

Vindafjord ligg strategisk til mellom Haugalandet, Sunnhordland og E134 mot Austlandet.

Frå Ølen sentrum er det om lag:

45 minutt til Haugesund
50 minutt til Haugesund lufthamn Karmøy
1 time til Stord
2 timar til Stavanger
3 timar til Bergen

Mange opplever at dei kan bu landleg utan å gi avkall på moglegheiter

Når arbeidsdagen er over – er eventyret rett utfor døra

`JOBB I VINDAFJORD`

Vindafjord er heimstad for nokre av dei mest spennande verksemdene på Vestlandet. Her finn du internasjonale teknologiselskap, industriarbeidsplassar, energi- og logistikkverksemder og ein stor offentleg sektor.

Næringslivet i kommunen er unikt. Jordbruk og skogbruk står sterkt. Samstundes er det eit stort mangfald av ulike verksemder.

Her finn du alt frå enkeltpersonføretak til milliardbedrifter som er leiande både nasjonalt og internasjonalt

Gründerånd, innovasjon og vilje til å heia på kvarandre står sterkt i kommunen

Meir enn 1.600 personar pendlar
kvar dag til Vindafjord

Her er nokre av bedriftene som er med på å forma Vindafjord:

JOBB I KOMMUNEN

Finn din neste jobb HER

Vindafjord kommune er den største arbeidsgjevaren

Me jobbar tett på folk

Gjennom heile livet

`BU I VINDAFJORD`

BUSTAD

I Vindafjord er det framleis mogleg å kjøpa einebustad med hage, garasje og god plass utan prisnivået mange møter i dei største byane på Vestlandet.

Samstundes finst det både etablerte bustadområde, nye bustadfelt, leiligheter og moglegheiter for å byggja sjølv.

For mange familiar er dette ein av dei største fordelane med å flytta til Vindafjord: Det er enklare å finna ein stad å bu, og lettare å realisera draumen om eigen bustad.

Meir bustad for pengane

Meir plass til livet

I Vindafjord får du meir bustad for pengane enn i store delar av regionen

Medan gjennomsnittleg kvadratmeterpris ligg på rundt 21 000 kroner i Vindafjord, ligg tilsvarande nivå på om lag 28 000 kroner i Karmøy, 36 500 kroner i Haugesund, 58 000 kroner i Stavanger og 67 000 kroner i Bergen.

Det betyr at mange kan få større bustad, større tomt og meir uteplass utan å auke bustadbudsjettet. Samstundes ligg arbeidsmarknaden i regionen innanfor dagleg pendleavstand.

Studielån – få sletta 25000,- kvart år.
Eigedomsskatt – få tilskot som førstegongsetablerar.

Kva får du for 4 millionar kroner?

Vindafjord: ca. 190 m²
Karmøy: ca. 143 m²
Haugesund: ca. 110 m²
Stavanger: ca. 69 m²
Bergen: ca. 60 m²

(Berekna ut frå gjennomsnittleg kvadratmeterpris)

FAMILIELIV, BARN OG UNGE

I Vindafjord kan barna veksa opp nær naturen og aktivitetane

Nær dei som betyr mest

Ein oppvekst med nærleik

I Vindafjord veks mange barn opp med kort veg til både barnehage, skule, fritidsaktivitetar og natur. Kommunen rommar åtte barnehagar, sju grunnskular og ein Montessoriskule spreidde rundt i bygdene, noko som gir mange familiar ein enklare kvardag.

Barna får ein oppvekst tett på lokalmiljøet, og mange foreldre trekkjer fram nærleiken mellom heim, skule og fritidsaktivitetar som ein av dei største fordelane med å bu her.

Det gir mindre logistikk og meir tid saman som familie.

Ni bygder og gode lokalsamfunn:

Flott kulturhus, ny symjehall, idrettsanlegg, bibliotek, kulturskule og eit breitt tilbod av lag og foreiningar over heile kommunen . Idrett, frivilligheit og kultur står sterkt.
8 barnehagar og 463 barn i barnehage
7 grunnskular og 1 Montessoriskule. 1 127 elevar i grunnskulen